አሻምቴሌ

• ሁሉም የቅድመ ክፍያ፣ ድህረ ክፍያ እንዲሁም ሀይብሪድ ሞባይል አገልግሎት ተጠቃሚዎች አሻምቴሌ ሎያሊቲ ፕሮግራም ለመጠቀም ብቁ ናቸው፡፡
• ፕሮግራሙ የሚተገበረው በአገልግሎት ቁጥር እንጂ በአካውንት ቁጥር አይደለም፡፡
• አሻምቴሌ ለመመዝገብ እና ለማስተዳደር ደንበኞች ማይ ኢትዮቴል የሞባይል መተግበሪያን መጠቀም እንዲሁም ወደ *999# መደወል ይጠበቅባቸዋል፡፡
• ደንበኞች የመጠቀሚያ ጊዜያቸው ያላለፈ ነጥቦችን የአሻምቴሌ ፕሮግራም ተጠቃሚ ለሆኑ ደንበኞች ያለምንም ገደብ መላክ ይችላሉ፡፡ ነገር ግን ነጥቦቹ አባል ላልሀነ ደንበኛ መላክ አይቻልም ፡፡
• አገልግሎት እንዳይሰጥ የታገደ ነጥብ ወደ ሌሎች ማስተላለፍ እና መጠቀም አይቻልም፡፡
• የሞባይል ቁጥሩ ላይ የባለቤትነት ለውጥ ከተደረገ ነጥቦቹም አብረው ይዛወራሉ፡፡
• አገልግሎት መስጠት ባቋረጠ የሞባይል ቁጥር የአሻምቴሌ ነጥቦችን መጠቀም አይቻልም፡፡
• የነጥቦች ከፍተኛው የአገልግሎት ዘመን 12 ወራት ነው፡፡ ለምሳሌ አንድ ደንበኛ 10 ነጥቦች ሚያዚያ 1 ቀን 2014 ዓ.ም ቢኖረው የነጥቦቹ የአገልግሎት ጊዜ ማብቂያ ሚያዚያ 1 ቀን 2015 ዓ.ም ይሆናል፡፡
• ከ1 ብር በታች ተጠቅመው ከሆነ በቀጣይ ከሚጠቀሙት አገልግሎት የብር መጠን ጋር ተደምሮ ነጥብ የሚያገኙ ይሆናል፡፡
• ኢትዮ ቴሌኮም በነፃ ወይም በስጦታ የሚያቀርባቸው አገልግሎቶች ነጥብ ለመሰብሰብ አያስችሉም፡፡
• 1 የአሻምቴሌ ነጥብ ከ 2 ሣንቲም ጋር እኩል ሲሆን ተ.እ.ታ ያካተተ ነው፡፡
• ደንበኞች አገልግሎቱን ሲያቋርጡ የሰበሰቡት ነጥብም ይቋረጣል፡፡
• አሻምቴሌ ከመጀመሩ እንዲሁም ደንበኛው ለአገልግሎቱ ከመመዝገባቸው በፊት የተጠራቀመን ወርሃዊ የአገልግሎት ክፍያ መክፈል ነጥቦችን አያስገኝም፡፡

ነጥብ የሚሰላበት እና ለአገልግሎት ቁጥሮች የሚደርሰው በሚከተሉት መመሪያዎች መሰረት ነው:

1. ቅድመ ክፍያ ሞባይል:
   • ለድምፅ፣ ለአጭር መልዕክት እና ዳታ 1 ብር ሲጠቀሙ = 1 ነጥብ
   • በየ24 ሰዓታት ያገኙት ነጥብ መረጃ ይላክልዎታል፡፡
   • የጥቅል ተጠቃሚዎች ያልተገደበ ጥቅልን ጨምሮ ነጥብ የሚሰላው ጥቅሉን በገዙበት የብር መጠን ይሆናል (1 ብር = 1 ነጥብ)
   • ጥቅል በስጦታ ሲላክ ላኪው የጥቅሉን ዋጋ ከፋይ እስከሆነ ድረስ ነጥብ ይሰጠዋል፡፡
   • የአየር ሰዓት ወደ ሌላ ሰው ሲተላለፍ ነጥብ የማይያዝ ሲሆን ነገር ግን ተቀባዩ ሲጠቀምበት ነጥብ ይሰበስባል፡፡
   • አጭር/ልዩ ቁጥሮችን ሲጠቀሙ ነጥብ አያገኙም፡፡
   • በቀን ቢያንስ የ2.5 ብር አገልግሎት መጠቀም ይጠበቃል፡፡
2. ለድህረ ክፍያ ሞባይል፡
   • ወርሃዊ ቢል ሲከፍሉ 1 ነጥብ በ1 ብር ያገኛሉ፡፡
   • ነጥብ ሲሰላ ለአጭር/ልዩ ቁጥሮች የተጠቀሙትን አያካትትም
   • ወርሃዊ የአገልግሎት ክፍያዎ ቢያንስ 75 ብር መሆን ይኖርበታል
   • ወርሃዊ ሂሳቡን የሚከፍለው ሌላ ደንበኛ ከሆነ ነጥቦቹ ወደ ተጠቃሚው ይላካሉ፡፡

3. የአየር ሰዓት በቴሌብር ሲሞሉ
   • 1 ብር ሲሞሉ 2 ነጥብ ያገኛሉ
   • በየ24 ሰዓታት ያገኙት ነጥብ መረጃ ይላክልዎታል፡፡
   • ለሌሎች ደንበኞች አየር ሰዓት ከተሞላ ለገዢው/ከፋዩ ነጥብ ይላካል
4. ለነጋዴዎች በቴሌብር ከከፈሉ
   • ለነጋዴዎች በቴሌብር 10 ብር ሲከፍሉ 1 ነጥብ ይሰበስባሉ፡፡