በተደጋጋሚ የሚነሱ ጥያቄዎች
ጂ.ኤስ.ኤም (GSM) ምንድን ነው ጂ.ኤስ.ኤም ምህፃረ ቃሉ ግሩፕ እስፔሻል ሞባይል (Group Special Mobile) ማለት ሲሆን በጣም ታዋቂ የሞባይል ግንኙነት ስርዓት ነው፡፡ አሁን አሁን የሞባይል ግሎባል ሲስተም ተብሎ ይጠራል ፡፡
የኢትዮ ቴሌኮም የሞባይል ቁጥር አወቃቀር የኢትዮ ቴሌኮም የሞባይል ቁጥሮች 10 አሃዞች ያላቸው ሲሆን ይህም የሚጀምረው በ 911…, 912…, 913…, 920…, 921…, 922…, 930…931….932…. 933.. …. እና በመቀጠል ስድስት (6) አሃዝ የደንበኝነት ተመዝጋቢ ቁጥሮች አሏቸው :: ለምሳሌ 911-xx-xx-xx
የድህረ ክፍያ የሞባይል ግንኙነት ምንድን ነው?የድህረ ክፍያ የሞባይል አገልግሎት እንደማንኛውም የሞባይል ስልክ ግንኙነት በኢትዮ ቴሌኮም ሲም ካርድ ማግኘት የሚችሉ ሲሆን የአገልግሎቱን ወርሃዊ ክፍያ አገልግሎቱን ካገኙ በኋላ የሚከፍሉ ይሆናል፡፡
የቅድመ ክፍያ የሞባይል አገልግሎት የት መግዛት እችላለሁ?የቅድመ ክፍያ የሞባይል አገልግሎት በሽያጭ ማዕከሎቻችን ወይም በማንኛውም የኢትዮ ሲም ካርድ ወኪሎች ማግኘት ይችላሉ።
ኢትዮ ቴሌኮም ለሞባይል አገልግሎት ስንት ያስከፍላል የኢትዮ ቴሌኮም ለቅድመ ክፍያ/ድህረ ክፍያ ሞባይል አገልግሎት ምዝገባ 30ብር የሚያስከፍል ሲሆን በተጨማሪም ለድህረ ክፍያ አገልግሎት ከ250 ብር ጀምሮ እንደ አጠቃቀማችሁ ተቀማጭ በማድረግ አገልግሎቱን ማግኝት ይችላሉ፡፡
የቢዝነስ ሞባይል አማራጮች ምንድን ናቸው?የቢዝነስ ሞባይል 100፣ 250፣ 500፣ 1000 እና 2500 አማራጮች ያሉት ሲሆኑ የቢዝነስ ሞባይል አገልግሎት ሲጠቀሙ ለድምጽ ጥሪዎች ፤ለመልዕክት እና የሞባይል ኢንተርኔት አገልግሎት ከመደበኛው ታሪፍ ጋር ሲነጻፀር ከፍተኛ ቅናሽ አለው።
የሞባይል ጥሪ ክፍያ ስንት ነው?- ሁሉም ገቢ ጥሪዎች ነጻ ናቸው።
- በመደበኛ ሰአት በደቂቃ 0.50 ሳንቲም ሲሆን ከመደበኛ ሰዓት ውጪ እንዲሁም በሀገራዊ በአላት ቀን እሁድን ጨምሮ 0.35 ሳንቲም በደቂቃ ቫትን ጨምሮ ነው።
የኢትዮ ቴሌኮም እና የፍራንቻይዝ ሱቆች ዝርዝር- የኢትዮ ቴሌኮም ፍራንቻይዝ ሱቆችን ለማግኘት ከታች ያለውን ሊንክ ይጠቀሙ።https://www.ethiotelecom.et/added-shops-1/
ሮሚንግ ምንድን ነው?ሮሚንግ የሞባይል አገልግሎት ተንቀሳቃሽ ስልክዎን ከኢትዮጵያ ውጪ መጠቀም የሚያስችል አገልግሎት ነው ።
ኢንተርናሽናል ሮሚንግ አገልግሎት ማግኘት እችላለሁ?ኢትዮ ቴሌኮም በአለም አቀፍ ደረጃ ከ460 በላይ አጋሮች ጋር አለም አቀፍ የሮሚንግ ስምምነት ያለው ሲሆን ከጊዜ ወደ ጊዜ እየጨመረ የሚሄድ ይሆናል።
የሮሚንግ ጥሪ ክፍያ ምን ያህል ነው?እባክዎን የቅርብ ጊዜ የሮሚንግ ክፍያዎችን ለማግኘት የኢትዮ ቴሌኮምን የሞባይል ሮሚንግ ታሪፍ ሰንጠረዥ ይመልከቱ።
የኢትዮ ቴሌኮም የአጭር የፅሁፍ መልዕክት ታሪፍ ስንት ነው?ኢትዮ ቴሌኮም ለአንድ የሀገር ውስጥ መልዕክት 0.20 እንዲሁም ለአለም አቀፍ መልዕክት (160 ካራክተር) 2.99 ብር የሚያስከፍል ይሆናል።
ሞባይሌን እንዴት ለአጭር የፅሁፍ መልዕክት ማዋቀር እችላለሁ?ተንቀሳቃሽ የሞባይል ስልክ አጭር የፅሁፍ መልዕክት መላክ እና መቀበል ያስችላል፡፡ የሞባይል ቀፎዎ ላይ “ሜይል ወይም መልእክት” የሚለውን አማራጭ ይጫኑ ፣ ከዚያ ወደ ‘settings’ ይሂዱ እና የአገልግሎት ማእከል ቁጥሩ +251911299708/07 መሆኑን ያረጋግጡ ፣ ካልሆነ ይህንኑ ቁጥር በመጠቀም የአገልግሎት ማእከሉን ያዘጋጁ። ይህ ለመጀመሪያ ጊዜ ብቻ የሚደረግ ነው፡፡ አሁን አጭር የፅሁፍ የመልክት አገልግሎት መጠቀም መጀመር ይችላሉ።
የአጭር የፅሁፍ መልዕክት ለመቀበል ክፍያው ስንት ነው?በኢትዮ ቴሌኮም ኔትወርክ መልዕክት አጭር የፅሁፍ መልዕክት መቀበል ነፃ ነው።
ለረጅም ጊዜ እረፍት ላይ ስሆን / ወደ ውጭ አገር ስሄድ እንዴት መክፈል እችላለሁ?በአድቫንስ ፐይመንት (የቅድሚያ ክፍያ) በመክፈል ወደፊት ከሚከፍሉት ጋር የሚስተካከልልዎት ይሆናል
ቪኤምኤስ አገልግሎት ክፍያ ምን ያህል ነው?በድምጽ መልእክት ሳጥን ውስጥ መልእክቶችን ለመቅዳት ቫትን ጨምሮ 0.50 ሳንቲም ሲሆን ይህም ከወጪ ጥሪ ዋጋ ጋር ተመሳሳይ ነው። ከመልዕክት ሳጥኑ ውስጥ መልዕክቶችን ለማድመጥ ለሁለት ጊዜ ነጻ ነው፣ ከሁለት ጊዜ በላይ ሲያዳምጡ ለ30 ሰከንድ 0.12 ሳንቲም የሚከፍሉ ይሆናል።
ሲ.ኤል.አይ.ፒ (CLIP) ምንድን ነው?ሲ.ኤል.አይ.ፒ የጥሪ መስመር መታወቂያ ሲሆን የሚደወልሎትን የስልክ ቁጥር በተንቀሳቃሽ ስልክዎ ላይ እንዲታይ ያደርጋል።
ኮል ዌይቲንግ (Call waiting) /ጥሪ ማቆየት ምንድነው?ኮል ዌይቲንግ (Call waiting) / የጥሪ ማቆያ አገልግሎት ከሌላ ሰው ጋር እየተነጋገሩ ገቢ ጥሪን ለመቀበል እና ለመያዝ የሚያስችል አገልግሎት ነው።
ሲ.ኤል.አይ.ፒ (CLIP) ፤ኮል ዌይቲንግ (Call waiting)/ጥሪ ማቆየት ታሪፍ ስንት ነው?እነዚህን አገልግሎቶች በነጻ ማግኘት ይችላሉ።
የጥሪ ማስተላለፊያ (Call Forwarding) ምንድን ነው?የጥሪ ማስተላለፍ አገልግሎት ጥሪዎን ወደ ሌላ ማንኛውም የኢትዮ ቴሌኮም ስልክ (ወደ ሞባይል ወይም ወደ መደበኛ/ገመድ አልባ ስልክ) እንዲያስተላልፉ ያስችልዎታል።
የቢል ክፍያ ጊዜዬ መቼ ይሆናል?ለሁሉም የኢትዮ ቴሌኮም ሞባይል አገልግሎት ምድቦች የክፍያ ጊዜ ወርሃዊ ነው። ለበለጠ መረጃ እባኮትን ከታች ያለውን ሊንክ ይጫኑ። https://www.ethiochatroom.et/csp-magent-client/index2.jsp
የአየር ሰአት የክሬዲት አገልግሎትን መቼ መጠቀም እችላለሁ?- ቀሪ ሂሳብዎ ዝቅተኛ ሲሆን
- የመሙያ አማራጭ በአካባቢው በማይገኝበት ጊዜ
- የአየር ሰአት ለመግዛት ገንዘብ በለሌለዎት ሰዓት
የአየር ሰአት የክሬዲት አገልግሎትን ለመጠቀም ብቁ የሚያደርጉ መስፈርቶች ምንድን ናቸው?- ንቁ የቅድመ ክፍያ የሞባይል አገልግሎት ደንበኞች፣
- በደንበኝነት ቢያንስ ለ3 ወራት የቆዩ ደንበኞች፣
- በወር ቢያንስ 30-ብር የአየር ጊዜ የሚሞሉ ደንበኞች፣
- የአገልግሎት ቁጥራቸው በክፍያ ምክንያት ያልተቆረጠ ደንበኞች፣
- የቀድሞ የአየር ሰዓት ብድራቸውን ሙሉ በሙሉ የከፈሉ ደንበኞች
ሞባይል ስልኬ ወይም ሲም ካርዴ ከጠፋ ምን ማድረግ አለብኝ?ሲም ካርድዎን ለማዘጋት ወዲያውኑ ወደ ኢትዮ ቴሌካም የጥሪ ማእከል 994 ይደውሉ ።
የፒን ቁጥር ምንድን ነው?የሲም ካርዱ የግል መለያ ቁጥር (ፒን) ባለ አራት አሃዝ ሚስጥራዊ ቁጥር ሲሆን ይህም ሲም ካርዱን ለመስጀመር (To activate the SIM Card) ያገለግላል። በስልክ ቀፎ ማኑዋል ውስጥ የተሰጡትን መመሪያዎች በመከተል ፒኑን መቀየር ይችላሉ።
የሲም ካርዴን ፒ.ዩ.ኬ እንዴት ማግኘት እችላለሁ?- የፒን ቁጥርዎትን ከ3 ጊዜ በላይ በስህተት ደጋግመው ከሞሉ ሲም ካርድዎ በቀጣይ ፒዩኬ እንዲያስገቡ ይጠይቅዎታል፡፡ የፒዩኬ ቁጥርዎ ከጠፋብዎት *994# በመደወል የሚመጣልዎትን መመሪያ መከተል ወይም 994 በመደወል ሶስት በተከታታይ የደወሏቸውን ስልክ ቁሮች እና የሲም ካርዱ ባለቤት ሙሉ ስም በመንገር ማግኘት ይችላሉ፡፡
ሲሜ ከተበላሸ ምን ማድረግ አለብኝ? የተጎዳው ሲም መተኪያ ብር 15 ከፍሎ በተመሳሳይ የሞባይል ቁጥር ይተካል።
ጥሪ ማድረግ ካልቻልኩ ምን ማድረግ አለብኝ? - ያሉበት አካባቢ ደካማ ወይም ምንም አይነት የኔትወርክ ሽፋን ስለሌለው ይሆናል፡፡ በስልክዎት ስክሪን ያሉት መስመሮች ይህንን ጠቋሚ ናቸው፡፡ እባክዎ የተሻለ የኔትወርክ ሽፋን የሚያገኙበት ቦታ ይሁኑ፡፡
የኢትዮ ቴሌኮም ጥሪ ማዕከል እንዴት ማግኘት እችላለሁ? - በቀጥታ የኦንላይን ምልልስ ለማድረግ ከጠዋቱ 1 ሰዓት እስከ ምሽት 5 ሰዓት ድረስ ከዚህ በታች ባለው ሊንክ እኛን ማግኘት ይችላሉ፡፡
ካርድ ለመሙላት ከየት አገኛለሁ?- ከተለያዩ አከፋፋዮች እና ቸርቻሪዎች ላይ በስፋት ተሰራጭቶ ይገኛል፡፡ አቅራቢያዎ ያለ የኢትዮ ቴሌኮም የሽያጭ ማዕከላችን ያገኛሉ፡፡
ስንት አይነት የካርድ ክፍልፋዮች አሉ?በገበያ ላይ የባለ 5፣ የ10፣ 15፣ 20፣ 50፣ 100፣ 250፣ 500 እና 1000 ብር የካርድ ክፍልፋዮች አሉ፡፡
ኢትዮጵያ ውስጥ ላሉ ወዳጅ ዘመዶቼ የአየር ሰዓት ከውጪ ሀገር እንዴት መሙላት እችላለሁ?ሀገር ውስጥ ለሚኖሩ ወዳጅ ዘመዶችዎ ከውጪ ሀገር የአየር ሰዓት ለመሙላት የአጋሮቻችንን ዝርዝር ከታች ያለውን ሊንክ በመጠቀም ያግኙ፡፡
ወርሃዊ የድህረ ክፍያ የቴሌኮም አገልግሎት ሂሳቦቼን አስቀድሞ በተከፈለ የሞባይል ቫውቸር ካርዶች እንዴት መፍታት እችላለሁ?
ማሳሰቢያ:
- መክፈል እንደሚፈልጉት የቢል መጠን የተለያዩ የሞባይል ካርድ ክፍልፋዮች መጠቀም ይችላሉ ለምሳሌ ባለ 1000፣ 500፣ 250፣ 100 እና 50 ብር ወዘተ…የሞሉት የቅድመ ክፍያ የካርድ መጠን ከቢል ክፍያዎት የበለጠ ከሆነ የቀረው መጠን ተቀማጭ በመሆን የቀጣይ ወር ቢል ላይ እንዲቀናነስ ይደረጋል፡፡
- የቢል ሂሳብዎን በተሳካ ሁኔታ ለመክፈልዎ አጭር የፅሁፍ ማረጋገጫ እንዲደርስዎት ይደረጋል፡፡