1. ስምምነቱ
1.1. የሚከተሉት ደንብና ሁኔታዎች የቴሌብር የላቀ መተግበሪያ (Super-app) እና አገልግሎቶች አጠቃቀምን በተመለከተ ተፈፃሚ ይሆናሉ፡፡ ይህን የላቀ መተግበሪያ ለመጠቀም የሚከተለሉትን ደንብና ሁኔታዎችን ማንበብ፣ መረዳት እና መቀበል ይኖርብዎታል፡፡
1.2. እባክዎ በመተግበሪያው የሚቀርቡ አገልግሎቶችን ለመጠቀም የሚያስችሉ ፖሊሲ፣ ደንቦችና እና ግዴታዎችን ለማወቅ እንዚህን ደንብና ሁኔታዎች በጥንቃቄ ያንብቡ፡፡
2. የስምምነቱ ዓላማ
2.1. የዚህ ሰምምነት ዓላማ የኢትዮ ቴሌኮም (ቴሌብር) ደንበኞች መተግበሪያውን ለመጠቀም፣ በቴሌብር የሚቀርቡ አገልግሎቶችን ለማግኘት የሚያስችላቸውን ደንብና ሁኔታዎን ለመቆጣጠር ነው፡፡
3. የቴሌብረ የላቀ መተግበሪያ (telebirr Super App)
3.1. ይህ የቴሌብር የላቀ መተግበሪያ ደንበኞች የቴሌብር አገልግሎቶችን ማለትም የክፍያ አገልግሎቶች (ለንግድ እና አገልግሎቶች ክፍያ፣ ለመንግስታዊ አገልግሎቶች ክፍያ እና የማህበራዊ ኋላፊነት)፣ የፋይናንሻል አገልግሎቶች (አነስተኛ ብድር፣ ቁጠባ እና ከተቀማጭ በላይ መጠቀም)፣ ዓለምአቀፍ ኃዋላ፣ በአገር ውስጥ ገንዘብ ማስተላለፍ፣ ተቀማጭ ማድረግ እና ገንዘብ ወጪ ማድረግ፣ ምዝገባ፣ እንዲሁም የቴሌብር ሂሳብዎን ለማወቅ ፣ የሂሳብ መግለጫ እና የደንበኝነት መረጃዎን መመልከት ያስችላል፡፡
4. የኢትዮ ቴሌኮም ደንብና ሁኔታ
4.1. ኢትዮ ቴሌኮም የደንበኞችን ፍላጎት ለማርካት የተለያዩ የቴሌብር አገልግሎቶችን ያቀርባል፡፡
4.2. ኢትዮ ቴሌኮም ደንበኞች በሚጠቀሙት መተግበሪያ እና የሚቀርቡ አገልግሎቶችን በተለመከተ የመከታተለል እና የመቆጣጠር እንዲሁም አስፈላጊውን የእርምት እርምጃ የመውሰድ መብት አለው፡፡
4.3. ኢትዮ ቴሌኮም ያቀረበውን የቴሌብር የላቀ መተግበሪያ እና የመጠቀሚያ ገፅታዎችን/ዓይነቶችን እንዲሁም ከዚህ ጋር ተያይዞ ያሉትን ደንብና ሁኔታዎች የማሻሻል፣ ለየት ማድረግ እና የማስተካከል ምቱ የተጠበቀ ነው፡፡ የሚደረጉ ለውጦችንም በኢትዮ ቴሌኮም ድረ-ገፅ እና ማህበራዊ ሚዲያወች ላይ የሚገለፁ ይሆናል፡፡
5. የደንበኞች መብትና ግዴታ
5.1. ደንበኞች መተግበሪያውን ከፕሌይ ስቶር ወይም ከአፕስቶር ማውረድ እና በሞባይል ስል ወይም በታብሌታቸው ላይ መጫን ይችላሉ፡፡
5.2. ደንበኞች መተግበሪያውን በኢትዮ ቴሌኮም ለፈቀደው ዓላማ ብቻ መጠቀም ይኖርባቸዋል፡፡
5.3. ደንበኞች የላቀ መተግበሪያውን ከኢትዮ ቴሌኮም ደንብና ሁኔታዎች በተፃራሪ ያለአግባብ ሲጠቀሙ ከተገኙ ኩባንያው መተግበሪያውን በቀጣይ እንዳይጠቐሙ ሊያግድ ይችላል፡፡
5.4. ደንበኞችየይለፍ ቃላቸውን እና የአካውንት ዝርዝር መረጃቸውን ለማንም ሰው ማጋራት ወይም መስጠት የለባቸውንም፡፡
5.5. ደንበኞች ያልተፈቀደለት ሰው የይለፍ ቃላቸውን እና አካውንታቸውን ይጠቀምበታል ብለው ከተጠራጠሩ፣ ስልካቸው ከተሰረቀባቸው ወይም ከጠፋባቸው ወደ 127 በመደወል ለኩባንያን ማሳወቅ ይኖርባቸዋል፡፡
5.6. ኢትዮ ቴሌኮም እንደአስፈላጊነቱ ደንበኞች የቴሌብር የላቀ መተግበሪያ ከመጠቀማቸው በፊት የቴሌብር ተጠቃሚ መሆናቸውን ለማረጋገጥ ተጨማሪ መረጃዎችን እንዲያስገቡ ሊጠይቅ ይችላል፡፡
5.7. ተጨማሪ መረጃዎች የሚባሉት ለአንድ ጊዜ የሚያገልግል የይለፍ ቃል፣ ማንነትን ለማወቅ የሚያስችል አሻራ፣ የሚስጥር ጥያቄዎች ወይም የሚስጥር መለያዎች ሊሆኑ ይችላሉ፡፡
5.8. ደንበኞች የቴሌብር የላቀ መተግበሪያ የሚቀርቡ ምርትና አገልግሎቶችን ለመጠቀም እንዚህን ደንብና ሁኔታዎች እንዲሁም የኢትዮ ቴሌኮም የአሠራር ፖሊሲን እዲቀበሉ ይጠየቃሉ፡፡
6. ሚስጥር መጠበቅን በተመለከተ
6.1. ኢትዮ ቴሌኮም የደንበኞችን ዳታ እና ምስጦር ያከብራል፣ ይጠብቃል፡፡
6.2. ሆኖም ኢትዮ ቴሌኮም አገልግሎቶቹን እና ምርቶቹን ለማቅረብ ለማሻሻል የደንበኞችን ዳታ ለመጠቀም ይችላል፡፡
7. ማሻሻያዎች
7.1. ኢትዮ ቴሌኮም እነዚህን ደንብና ሁኔታዎች እንደአስፈላጊነቱ በየጊዜው የመጨመር ወይም የማሻሻል መብቱ የተጠበቀ ነው፡፡
7.2. እነዚህ ደንብና ሁኔተዎች በኢትዮጵያ ሕግ መሰረት የሚተዳደሩ ይሆናል፡፡
7.3. እነዚህ ደንብና ሁኔታዎች www.ethiotelecom.et. ላይ ይገኛሉ፡፡